ЖҮРГІЗУШІ КУӘЛІГІНЕН НЕ СЕБЕПТІ АЙЫРУ МҮМКІН?
1. Қарсы қозғалыс жолағына шыққанда немесе ЖҚЕ-ні бұзумен байланысты авариялық жағдай туғызғанда 6 айға құқықтан айырады. 2. Жылдамдық режимі бір жыл ішінде 20-40 км/сағатқа үш реттен артық артылса, 6 айға құқықтан айырады. (Бір рет бұзғаны үшін айыппұл – 10 АЕК, қайталап бұзғаны үшін – 40 АЕК) 3. Жалған КҚ нөмірін пайдаланғаны немесе КҚ нөмірін қасақана жасырғаны үшін 1 жылға құқықтан айырады немесе 20 АЕК мөлшерінде айыппұл салынады. 4. КҚ-ын алкогольдік, есірткілік, уытты мас күйінде жүргізсе немесе КҚ-ын басқаруды мас адамға берсе, 7 жылға құқықтан айырады + 15 тәулікке әкімшілік қамауға алынады. Әкімшілік жаза мерзімі өткеннен кейін бір жыл ішінде қайталап бұзса, 8 жылға құқықтан айырады + 20 тәулікке әкімшілік қамауға алынады. 5. Алкогольдік, есірткілік, уытты мас болу тұрғысынан медициналық куәландырудан бас тартса, 8 жылға құқықтан айырады + 15 тәулікке әкімшілік қамауға алынады. 6. Зардап шеккен тарапқа мүліктік зиян келтірілген ЖКО орын алса, 6 айға құқықтан айырады немесе 20 АЕК мөлшерінде айыппұл салынады. 7. Зардап шеккен тараптың денсаулығына жеңіл зиян келтірген ЖКО орын алса, 9 айға құқықтан айырады немесе 40 АЕК мөлшерінде айыппұл салынады. 8. Зардап шеккен тарапқа мүліктік зиян немесе денсаулыққа жеңіл зиян келтіре отырып, мас күйінде жасалған ЖКО орын алса, 8 жылға құқықтан айырады. 9. Қатысушы ЖКО орнын қалдырса, 1 жылға құқықтан айырады. 10. Көліктік бақылау қызметкерінің тоқтату туралы заңды талаптарын сақтамаса, 6 айдан 1 жылға дейін құқықтан айырылады. Сот көлік құралын басқару құқығынан айыру туралы шешім шығарғаннан кейін, жүргізуші жаза мерзімі аяқталғанға дейін көлік құралын басқаруға құқылы емес. Қазақстан Республикасында жүргізуші куәлігін мерзімінен бұрын қалпына келтіру мүмкін емес.